Som reisande til Noreg kan du, i tillegg til den tollavgift- og avgiftsfrie kvota, nytte ei forenkla ordning for overgang til fri disponering (tidlegare forenkla fortolling) for inntil 27 liter øl eller vin, fire liter brennevin, 400 sigarettar og 500 gram tobakk eller snus.
Du kan nytte den forenkla ordninga for varene over kvoten ved bruk av til dømes Kvoteappen, eller så må du gå på raud sone og deklarere der.
Vær merksam på at du ikkje kan bruke forenkla ordning på varer som du kjøper ved ankomst i avgiftsfritt utsal (taxfree) på lufthamn. Slike varer må du deklarere for prosedyren overgang til fri disponering med vanlege avgiftssatsar.
| Vare | Mengd | Sats | |
|---|---|---|---|
| Øl (også sterkøl) over 2,5 volumprosent | Til saman inntil 27 liter | 23 kr pr. liter | 7,20 kr pr. 0,33 liter |
|
Drikk med alkoholstyrke over 2,5 til og med 4,7 volumprosent |
23 kr pr. liter | 7,20 kr pr. 0,33 liter | |
|
Drikk med alkoholstyrke over 4,7 og under 15 volumprosent (f.eks. vin) |
65 kr pr. liter | 49 kr pr. heilflaske | |
| Drikk med alkoholstyrke frå og med 15 til og med 22 volumprosent (f.eks. sterkvin) | 124 kr pr. liter | 91 kr pr. heilflaske | |
| Drikk med alkoholstyrke over 22 til og med 60 volumprosent (f.eks. brennevin) | Inntil 4 liter | 396 kr pr. liter | 272 kr pr. heilflaske |
| Røykjetobakk | Til saman
inntil
500 gram
|
363 kr pr. 100 gram | |
| Snus | 113 kr pr. 100 gram | ||
| Skråtobakk | 150 kr pr. 100 gram | ||
| Sigarar og sigarillos | 363 kr pr. 100 gram | ||
| Sigarettar | Inntil 400 stk. | 363 kr pr. 100 stk. | |
| Sigarettpapir og -hylser | Inntil 400 stk. | 6,70 kr pr. 100 blad/hylser | |
Ønskjer du å importere større mengder alkohol enn dette, gjeld vanlege avgiftssatsar.
Du kan ikkje innføre drikkevarer med alkohol med alkoholstyrke over 60 prosent utan særskilt løyve.